Stoppleikhópurinn

Facebook
Sigga og Skessan í jólaskapi

Sigga og Skessan í jólaskapi

Sigga og Skessan í jólaskapi.

 

Stoppleikhópurinn kynnir jólasýninguna hugljúfu: „Sigga og Skessan í jólaskapi“ en leikverkið byggir á sögum Herdísar Egilsdóttur um vinkonurnar góðu.

Leiksýningin sem er ferðasýning, er nýtt íslenskt jólaverk ætlað börnum á aldrinum 2-9 ára í leik og grunnskóla. Sýningar hefjast 24 nóvember 2016.

Það eru að koma jól og allir að komast í sannkallað jólaskap. Skessan er heima í hellinum með Siggu að skreyta þegar þær frétta að veðrið er að breytast og snjónum kyngir niður. Allt er að verða ófært og það sem meira er að jólapósturinn kemst ekki áleiðis með jólakortin og jólagjafirnar til fólksins. Nú eru góð ráð dýr en með hjálp frá hvor annarri arka þær vinkonur af stað með jólaskapið eitt að vopni. Saman lenda þær svo í mörgum skondnum uppákomum og hjálpa til við að koma jólapóstinum á leiðarenda.

Áður hefur leikhópurinn sýnt leiksýninguna: „Sigga og Skessan í fjallinu“ við miklar vinsældir. Leiksýningin er sérstaklega hentug fyrir rými leik og grunnskóla þar sem að leiktjöld og búnaður eru einföld og skemmtileg.

Sigga og Skessan í jólaskapi.

Höfundur: Herdís Egilsdóttir.

Leikgerð og leikstjórn: Stoppleikhópurinn.

Leikarar: Eggert Kaaber og Katrín Þorkelsdóttir.

Brúðugerð: Katrín Þorvaldsdóttir.

Sýningartími: 30 mínútur.

Sýningar hefjast 24. nóvember 2016.

 

Sigga og skessan 2